കുട്ടികള് കളിക്കുന്ന
മുതിര്ന്നവര് സൊറപറയുന്ന
വൈകുന്നേരത്തെ പാര്ക്കിലൊരിടത്ത്
ഇന്നലെ പെയ്തിട്ട്
ഇന്നും വറ്റാത്ത വെള്ളത്തില്
ഒരു കഷണം ആകാശം.
വെള്ളത്തിലെ ആകാശത്തില്
മേഘം നീന്തി നീങ്ങുന്നു.
കൈവിട്ട ഒരു കളിപ്പന്ത്
തെറിച്ചുതുള്ളി വരുന്നുണ്ട്.
ആകാശത്തേക്ക് വീഴുമോ പന്ത്?
വെള്ളത്തുള്ളികള്ക്കൊപ്പം
തെറിച്ചുപോകുമോ മേഘം?
ചെളിവെള്ളത്തില് കളിച്ചതിന്
വഴക്കുകേള്ക്കുമോ കുട്ടി ?
Subscribe to:
Post Comments (Atom)
No comments:
Post a Comment